A Dik Tuk: Falam Peng Caah Ka Saduhthah (3)

Hi bantuk thancho mit a ngei i duhsaknak lianpi he a duhnak raltha ngai in a chim ngam tu hi kan Ram nih a herh mi a si. Lai/chin a ti mi hna hi kan lungput a rak hme deuh hlah maw ti zong in ruahnak a um. Siaherh ngai in ca pakhat nih a duhfahnak a tial tikah kan comment pawl zoh tikah thiltha a hmutu hi kan rak tlom ngai.

A thancho ding minung nih le Khrihfa a ti mi hna nih cun athatnak a hmu thiam mi kan rak si hi a biapi ngaingai. Social Media chan kan si bantuk in kan catial mi le kan comment mi pawl nih kan sinak a langter bak i, chungthu lengnal kan tam ngai ko rua hih ta ka ti.

Cu caah thiltha a duhtu Laimi kan sinak lai le kan chunmang Khua le ram miphun caah a ngeitu le a hmu thiam tu s ihram ko hna uhsih. Atang hi Salai Thawngpi nih a saduhthah a tialmi a si. Tuiṭum cu casiartu hrangah siar nuam lo tla a si thei. Asinain ka duhsan le ka saduhthah in thei thiamsak hram uh tiah ka lo sawm duh.

Hakha ah 2013-2016 tiang ka um. Kalay ah 2017 -2019 tiang ka um. Thantlang ah thla 5 ka um. Kan Chin mi umnak khawpi pathum ah mallai caan ka hmang zo. Ka Hmuhsuahmi Hakha peng mi pawl Hakha ah an vai. Thantlang peng mi pawl Hakha le Thantlang ah an vai. Falam peng mi pawl Kalay lam ah kan vai ve.

Cule Hakha le Thantlang ah 2015 hnu in inn ṭhaṭha, Biakinn ṭhaṭha a pung ciamco. Inn mawimawi, Biakinn ṭhaṭha, tlawng ṭhaṭha a karh nasa. Kannih Falam peng mi khalin Falam ah inn ṭhaṭha, Biakinn ṭhaṭha le Tlawng ṭhaṭha kan din tum a ṭul thlang.

Kalay kan va ceimawi ciamco khi a ṭha ve ko. Asinain kan ram a si loih si theinak ding lamzin khal ka hmu lo. Curuangah kan ram a simi Falam ah kan thinlung phuum thlang uh sih.

Credit: Salai Thawngpi

Be the first to comment on "A Dik Tuk: Falam Peng Caah Ka Saduhthah (3)"

Leave a comment

Your email address will not be published.


*