Mah Khua Lawng A Dawmi Ram Hruaitu Cu Zei Bantuk Lungput Ngeimi Ram Hruaitu Hme A Si

Khoika hme ram le miphun a dawtu lungput? Chin ramkulh ah Vice president khua, Thantlang peng Tikir khua cu Chin ram ah a thancho rangbikmi khua a si. 2017 kum hram thok ah inn dong 60 hrawng an umnak khua cu meivannak tidil (dam), siizung, electric mei, le high school saknak caah cozah phaisa Kyat 2.4 billion hman a si.

An khua i biakinn caah Kyat ting 1000 leng dih in sak a si i (khoika a lutmi phaisa timi langhter a si lo). 2017-2019 nihin ni tiangah khua khua 56 cu khuakhat ah kyat ting 100 cio in chuah piak an si. Nain pengkulh dang hna cu pek an si ve lo. Thantlang pengkulh chung i khua dihlak cu 2020 kum hlan ah pek dih nan si lai ti a si. Vice President pumpak nih an khua ah voi (4) tiang a kal cang i zan ah a riat. Nain Hakha town hall ah voi (2) lawng a riat rih.

Chin ramkulh chung i a phan lonak khuapi a um lo. Nain khuami nih an halmi cu cunglei kan chimhpiak hna lai ti lawng a ti tawn hna. Nain Thantlang pengkulh voi (2) a tlawnnak ah khua le ram tthanchonak caah Kyat ting 500 in voi (2) tiang a hlut colh hna. 2019-2020 Na-tta-la budget kum ah Thantlang pengkulh lawng nih 2.2 billion an hmuh. Atu ramri thanchonak lam in Tikir khua kalnak lam pakhat ca lawngah Kyat 1.4 billion hmang ding in biakamnak a tuah.

Chin ramkulh chung i zei khuapi ca hmanh ah town plan an suaimi a um lo, nain Tikir khua caah town plan suai a si tiah theih a si. Khoika hen ram le miphun a dawmi lungput, mah khua lawng a dawmi lungput cu zeibantuk ram hruaitu dah a si? Note: Hi hi keimah pumpak ruahnak le hmuh ning tialmi si loin Kawl ca in an tialmi aa tlak ning in leh chinmi a si.

Source: Alaadin

Be the first to comment on "Mah Khua Lawng A Dawmi Ram Hruaitu Cu Zei Bantuk Lungput Ngeimi Ram Hruaitu Hme A Si"

Leave a comment

Your email address will not be published.


*