Peih Lawng Hi Asunglawi Lo Hlasa Tu Ding Zong Sawm Chih Asi

Washington D.C Area ummi, kan miphun hna nih a ra laimi October 12,2019 ah Chin New Year kan tuah ve lai. Chin Integration and Advocacy Network, USA hrihhawhnak in kan tuah lai. October 11 ah Chin Baptist Mission Church ah Chin New Year kong Seminar ceihhmainak kan tuah hmasa lai i cathluan chuahpitu ah, US ummi, Pu Lian Uk le Pu Lian Cin, Lairam lei in Rev. Dr.Za That (CACC GS) le Pu Lalawm Puia (Hakha Post-Chief Editor) an si lai. Pu Hre Lian Kio zong kan sawm nain a dam lo caah a tim kho lo. Cathluan chuahpi mi chung in hmailei ah zeitindah Chin New Year kan kalpi lai timi biafunnak tuah khawh kan i zuam lai.

Maryland Governor, Larry Hogan nih Chin New Year lunglawmhnak ca zong a kan kuat. Amah rat ding a si nain amanh lo caah amah aiawh in Christina a ra te lai. October 12 ni ah Chin New Year cu Oakland Mill High School ah hlunghlai ngai in tuah a si lai. New Zealand in, hlasakthiam Van Hlei Sung kan sawm. Lai hla le Lai laam a phunphun, Lai thilthuam hmuhsaknak le Lai paih zuamnak zong a um lai. Lai paih zuamnak ah zatlang paih le zuamcawh paih a um lai. A zuammi poah i tel khawh cio a si.

Nan dihlak in kan in sawm dih hna. Kan miphun, kan nunphung, kan ca le kan holh cawisang hna usih. Kan miphun chan saupi tiang a hmunh khawhnak caah kan dihlak ibawm cio hna usih. Tawlreltu aiawh in,Salai LaramthangChin New Year Celebration Committee hi vialhi kan theih mi cu asi.

Be the first to comment on "Peih Lawng Hi Asunglawi Lo Hlasa Tu Ding Zong Sawm Chih Asi"

Leave a comment

Your email address will not be published.


*